للشاعرة السكندرية / مـــني عــــلام
نفسي اوصف فيك وحبك
نفسي اسكن جوه قلبك
نفسي اكون ضيك وضلك
قلبي بينادي لقلبك
من زمان واقف ببابك
قلبي تعبان من غيابك
نفسه يلمح نور عنيك
نفسه مرة يكون ف صفك
والا لحظة يحس بيك
دانت مكتوب فوق جببني
وانت جوه الكون حنيني
حتى صورتك ماليا عيني
بلمح الطيف والسنين
يجري شوقي اوام واسرح
يالي قربك ليا حاله
حبي ليك مكتوب عليك
كل ضمة بتحكي عنك
ياعني كل الشوق دا منك
لما ابقى بعيدة برجع
بلقى كحل العين سريح
على الخدود يرسم ملامحك
والقى اسمك فوق لساني
بدعي ليك الله يسامحك
يبقى همس الشوق أناني
هو دايما يشكي ليك
نفسي يوم تبقالي شمسي
والقى مركب حلمي ترسي
عند شط البحر أمشي
والحكاوي معاك تزيد
نفسي كل الكون دا يعرف
اني اكون وحدي بحبك
بس انا مش قادرة أعبر
ان قلبي مشتريك
سيب لي نفسك
ان اعرف ايه في نفسك
بس قلبي لك بيوصف
انه دايما كان شاريك
♥️💔💕
